(((>.الليل.وانا.<))

لما النهار راح .. وحسيت أن الليل جاى

الليل معناه السكون ولحن حزين على ناى



الليل بسكوته كلام.. بتموت فيه الأحلام

جدار عالى بمعانيه .. بيستر قلبى ويخبيه



الليل بيمثـلنى بوحدته .. بيخطفنى بكلمته

بيحضنى بظلامه ..



لو أقدر أكون ليل وأحمى كل الناس

أدارى جوايا الآهات وأحرس ويايا الأحساس



لو أقدر أكون ليل معناه السكون

أدارى كل الجراح .. وأمسح دمع العيون



لو أقدر أكون ليل قمره عالى فوق

يحكيله كل العشاق.. وتبقى نهايتى أمل وشروق



لما النهار راح ..وحسيت أن الليل جاى

الليل معناه السكون ولحن دافى حزين على ناى